Матур һүҙҙәр👌Бер тоҡанғас Бер тоҡанғас, шөкөр, янам...

Матур һүҙҙәр👌
Бер тоҡанғас

Бер тоҡанғас, шөкөр, янам әле
Был ғүмерҙә тик бер йәшәлер
Өмөттәрем бәлки аҡланыр ҙа
Ян-яғымда донъям йәмләнер!

Бер һүрелһәң -тоҡаныуҙар ауыр,
Быҫҡып ҡына ғүмер үҙалыр.
Күңелендә ҡояш һүнһә әгәр,
Өмөттәрең боҙҙай туңалыр!

Һүндем тигәнеңдә терелтер тик
Ысын һөйөү, иң саф мөхәббәт.
Мөхәббәтле яҙмыш биргән өсөн,-
Хоҙайыма әйтәм мең рәхмәт.

Бер тоҡанғас ,хәйер, һөйәм әле,
Ҡасан һунерҙәре кем белер?
...Ҡарҙы тишкән умырзая төҫлө, -
Өмөттәрем бәлки терелер!

Бер тоҡанғас, хәйер, һөйәм әле…

Дилара Махмутдинова