Эргим чонувус,чаңгыс чер-чурттугларывыс.2023 чылдың январь 22- де,аар аарыгның уржуундан,амыдыралының 69-ку чылынче кирип бар чорааш,бистиң хайыралдыг эргим,ынак киживис–Доржу Василий Степанович чырык өртемчейинден чарлып чорутканын чоок улузунга,төрел-дөргүлүнге,кудаларынга,эш-өөрүнге,чаңгыс чер-чурттугларынга ханы кажыыдал-биле дыңнаттывыс.Доржу Василий Степанович 1954 чылдың февраль 28-те Улуг-Хем кожууннуң каас-чараш чурумалдыг булуңу,Иштии-Хем сумузунга төрүттүнгеш,бүгү чуртталгазын аңаа эртирген.Төрүмел чаяалгазындан эрте-бурунгу хам чүдүлге сагылы четтирген,өттүр көөр хам чаяачы болуп,Улуг-хем кожууннун улуг хамы, Торээн Тывазының хоор чонунга ачы-буянын чедирип,ак чолдуг улуг үүлени кылып чораан.Төк кээп дүшкен кавай-чери,Иштии-Хем суурнуң "Хүндүлүг чурттакчызы" аттың эдилекчизи,ажы-төлүнүң ынак адазы,уйнуктарының өндүр өгбе назылыг кырган-ачазы,хөй дуңмаларының эргимей акызы,эңмежок чээннериниң даг дег даайы,чуржааттарының чагыг-сүмелиг честези,эдеришкен эш-өөрүнүң чарылбазы бүзүрелдиг эжи дээш-ле төнчү чок баар,катаптаттынмас чоок киживис чораанынга чоргаарланып ханмас бис.Сөөлгү оруунче январь 25-те Улуг-Хем кожууннуң Иштии-Хем сумузунда, хем иштинде бажыңындан 12:00 шакта үндүрер.Харылзажыр телефоннар: 89602326968 кады торээн дунмазы Валентина (Уран-кыс)
8901227407 -чээни Айлаана