Бис угбашкылар Улуг-Хемниң Шагаан-Арыгда ыжыктар эмнэ?...

Бис угбашкылар Улуг-Хемниң Шагаан-Арыгда ыжыктар эмнээр салбырның улуг эмчизи Галина Николаевна Сундуй чон-биле ажылдап билирин аарыг дуңмавыска чеде бергеш магадал-биле эскердивис. Эмчиде чыдар аарыг кижилеринге,келген төрел-дөргүлүнге эвилең-ээлдек,чазык-чаагай эмчи болду. Ыраккы Тожудан келген дуңмам Альбина улуг эмчиге ужурашкаш,өрээлинден таарзынганы аажок сагыш-сеткили чиик-чаагай үнүп келгеш биске хөөреп турду. Дыка магадаан. Чончу болгаш ажык сеткилдиг эмчи болду угбай деп меңээ чугаалап келди. Ындыг онзагай кижилер ховар шагда дыка амырап турдувус.
....Чаңгыс оол дуңмавыс берге аарыгдан хенертен аарый бээрге үргүлчү барып турувуста эмчи бистиң эп-найыралдыывысты көргеш магадады. Шыдаар шаавыс-биле дуңмавысты ажаап-карактап, ишти-хөңнүвүс ыстап хомудап турза-даа муңгаратпас дээш быжыг туттунуп сергелең көстүп турар бис. Угбашкылар бисти ада-иевис эп-найыралдыг каашпайн деткижип чоруурун чагып кижизиткен. Кандыг-даа бергелерни көрүп эрткеш-даа быжыг хая-даш дег туружувус-биле эртип чор бис.
.. Ынчангаш саныш-човаңгыр эмчивис Галина Николаевнага өөрүп четтирбишаан, амыдырал-чуртталгазынга, ажыл-ижинге улуг-улуг чедиишкиннерни күзеп тур бис Галина Николаевнага. Ынчангаш сагыш-човаңгыр, чедиишкиннерни күзеп тур бис, ындыглар көвей-ле болзун.
....Эмчивис Галина Николавнага өөрүп четтирдивис.
......Дуңмаларым мурнундан чогаалчы Ульяна Аракчаа-Величко