Бо хүн бистин кады төрээн дуңмавыс, Эдуард Сарыг-оолович Шожукпан, турган болза, 55 харын харлаар турган. Эрте аъдының бажы хоя берген дуңмавысты хараадап, чоктап артып калдывыс.
Бичии тургаш, кончуг эрестиг, спорттуң шупту хевирлеринге ойнап чораан кижи. А бут бөмбүүнге эрги Шагаан-Арыгга, бичии-даа бол ойнаары кедергей болурга, “Пеле” деп шолаладып-даа турган. Улгаткыже хоорайның ветераннар бөлүүнге футболга, хоккейге ойнап чорду.
Дуңмавыс ажыл-ишчи, холу туттунгур, дузааргак, хөй санныг эш-өөрүнге, төрелдеринге эмек-дөмек болуп чораан. Ажылдаан черинге-ле шаңнал-макталдыг болуп, Чонну ажылга хаара тудар төптүң чолаачызынга ветеран болуп, Улуг-Хемниң онза байдалдар ямызынга хөрек демдээнге чедир ажылдаан кижи.
Боду ажык чаңныг, чугаакыр, төрелзирек болгаш, чонну хөй, каяа-даа чорааш, чоок улузун тып алган болур кижи. Кажанда-даа ундарап, холу салдынып чорааны чок: тараазын тарып, мал-маган тудуп, сигенин кезип, тайгазындан аңнап-меңнеп, ажы-төлүн азырап – эки чурттап чорду.
Оолдарының ажы-төлүн чаптап ханмас, энерел сеткилдиг дуңмавыс дыка уян сеткилдиг, амыдырал-чуртталга дээш кызып чораан кижи. Бистер, чоок кижилери, ооң чугаалаар сөстерин, хоюг чараш ырлаар үнүн ам-даа чанывыста дег сактып чор бис.
Ооң чырык адынга тураскаадып, май 6-ның хүнүнде стадионга бут бөмбүүнге маргылдаа эртирер деп авазы, ог-булези, ажы-толу, төрел-бөлүк шиитпирлээш, Шагаан-Арыгның чонун коорунче чалап тур бис.
Акызы, угбазы.