КЫСКА ЧУРТТАЛГА
( Амыдыралдан көрүш).
- # - 3 ай. Кайда мен?... Авамнын иштинде шээй мен. Чыдар черимниң чылыын,чымчаан.
- #5 - ай-авамның чип турар чемнерин амдананып турар апардым, чигирсиг чем чиирге чаагайын, амыраанымдан ижинге херлип чыдар мен, чамдыкта ажыг чидиг чем чиптерге дырыжып кире бээр мен, ынчан авамның хөөнү булганып кустура бээр-даа.
-# 7 ай-авамның ажыг суг ижери көвүдээн, менээ бо - ла соок апаар, хырным аштаар.
Хөөкүй авам, хырын иштинде оглуң мени дыңнап көрем, холум будум- биле иттинип тур мен. Эки чемнен, чылыг хептен кет!
- # 9 ай-төрүттүнүп келдим, соогун, чүү кончуг чырык өртемчей чүвел! Дааш шимээнниин!.. Авай кайда сен, сээң чылыг хоюг куспааңче чоруксап тур мен!!- деп, шаам төндүр ыглап кыйгырып тур мен - Кайда сээн?!.. Эмииңде чылыг сүдүн ижип хырным тодурайн!...
Аскымче соок пөдүлээ (соска) кирди, ону когжаарымга амданы чок сүт үнер. Авам 9 ай мени чүктээш шылаан боор, ам бичии удааш мени хойнунче ап аар боор, ам бо сүттү когжааш удууйн.
Оттуп келдим, авамның куспаанда мен экизиин, чылыг чымчак эмиинче чүткүдүм, чок болбаады, авам хөрээнче мени чагдатпады даа... Бар шаам биле ыгладым, база пөдүлээни аскымче супту, ону когжап, хырным тоттуруп алгаш удуй бердим.
-# Чер кырынга бодараандан бээр 1 ай эрти, мээң чанымга угбаларым турарын- на көөр мен. Авам, ачам- биле та кайнаар чоруп турар чүве, келгенде- ле дыка багай чыттыг келгеш мени хойгарып алыр, амыраарым аажок, авамның холу мени куспактап алгаш удуурга мен бичии- даа шимчевес мен, ыглавас мен, хырным аштап даа турар болза.
-#- 1 харлыг аппарган мен, авамны көөрүм эвээжээн, хөй кезии мени кырган-авам база угбаларым көөр. Авамның овур-хевири безин уттундуруп калды. Та канчап чүве, бир болза авам мени таптыг чемгербээн ирги бе?, бир болза мен бодум багай чемненип, орта чылыг хеп кетпейн, доңуп турганымдан бе, мен аарый бердим, мени эмчиже аппарды. Угбаларым силерни, чамдыкта ынак авамны сагынгаш эмчиге удувайн, чем чивейн тур мен. Кырган-авам угбларым- биле кээрге эжикче карак уштап авам кирип кээр бе?- дээш көөрүмге - даа, авам көзүлбес, манаарымга даа авам эжик черле ажытпады.
Хүннер эртип-ле тур мен- даа эмчилерге өөренип, авам сени уттуптум, буруудатпа!.
-#- 2 харлыг мен, эмчиде хевээр, чугаам үнүп келген, мени чаптаар авам - даа олчаан келбээн..чок.. Чүгле угбаларым, кырган-авам база мени эмнээн эмчилерим бар.
Ынчаар ла чаш бодумну 1 хардан 3 харлыымга чедир чытканым эмчиден үндүр бижипти.
Эмчилерим кырган-авамга хүлээдип тургаш, ам аарыванар дээш байырлашты, авам ышкаш эмчилерим- биле байырлашкаш чанып келдивис. Кырган-авам химиренмишаан чем кылып тур:
-— "Хаван ышкаш эңдере төрүп алгаш, ажы-төлүн азыравайын арагага сундукаш, хөрек аарыындан аарааш таптыг эмненмейн өске оранче чоруй баар сойлуктар чүвел?! Оода шупту дымаа халаң, эң- не улуу 9 харлыг, бичиизи 3 харлыг..."
Ол сойлуктар дээрге- ле мээң авам - ачам болду, угбаларымның чугаазындан билип алдым.
Бисти орта көөр ада-ие - даа чок, даштын угбаларым-биле кады ойнап халып чоруп турар мен. Орта чиир чемивис, таптыг кедер чылыг идик хевивис чогун билип эгеледим.
"Авай, сени бо-ла сактыр аппардым, чүге дээрге эштеримниң авалары кыйгыра бээр, оларны көөрүмге сагыш сеткилим дойлур дур!".
#-5 харлаптым - база катап аарый бердим, эмчиже мени кырган-авам чедирип кагды.

Эмчи өрээлинде чыдыр мен, суксаарым кончуг, агаар чедишпестеп, иштим өгдеңнээринден тынарымга бергезин, эмнер- даа дузалавастаан. "Авай, сени сактып тур мен,чылыг хоюг холун биле ам чаңгыс катап суйбап, чассыткан болзуңза, чыдыг-даа болза тыныжың биле чыттаан болзуңза!!!. Кайда сен аваааай!.. Шыланчыын.. тыныш чедишпестеп тур... Уйгум кээй берди, ам на төнмес уйгум удуурум ол дур авай...Оода оглуң мени уткуп ал.... "
Бичии оолдуң карактары шаг чок шимдине берген.

Бо бичии оол төрүтүнгеш ава- ачазының арагалаар хайы биле чуртталгазының солун чаптанчыг чараш үелерин эмчиге эттирген, 6 хар четпээн, чаа чылга кашла хонук четпейн тура, мөңге уйгузун удаан.
Чаш хирезинде төлдүң угааныын, чурттаайн дээш кызып чыдары даштындан на көскү. Хөрээнге катап каданнап дегдиргени биле эмчиге дыка берге байдалдыг келген. Эмнелгениң коллективи бичии оолдуң тынын алыр дээш кызып, сөөлгү хүнүнге дээр чанындан ыравайын турган. Бодунуң аарыының бергезин чаш оол билип турган хевирлиг.
Кежээниң не удуур бетинде эмчилерден чаңгыс айтырыын салгаш удуур:
- Эмчи, мен эртен оттуп кээр мен бе, ам бир хүн чурттаар мен бе?...
Эмчилерниң ыызы кээр, чамдыктары реанимация өрээлинден үнгеш, оолду кээргеп ыглап даа турганнар.
Хөөкүй оолчук чүнү чиксээрил, эмнелге ажылчынары "Мен экээйн"..- дээш садып берип, бажыңындан чаагай чемнерни кылгаш эккеп даа турган.
Ажы төлдүң келир үезин бодап, Боданып көрүңерем эргим авалар!

ЧИМИС БАЛДАН.
Медбрат
Хоолгаладым