Хүндүлүг биче сеткилдиг дузааргак чонувус! Бистиң...
Хүндүлүг биче сеткилдиг дузааргак чонувус!
Бистиң ынак ававыс, дуңмавыс, угбавыс Сарыглар Айдысмаа Ашак-ооловнаны, ачавыс, күдээвис, бажавыс Куулар Хеймер-оол Байыр-ооловичини, чечек ышкаш чаа-ла частып орган,чуртталгазында чүнү-даа көрүп четтикпээн чаптанчыг чараш оглувус Куулар Күдерек Хеймер-ооловичини база улуг эневис, кудавысты сөөлгү оруунче үдежиринге дузалашкан Тываның Чазак даргазы Ховалыг Владислав Товарищтайовичиге, Тыва Республиканың өөредилге болгаш эртем, Күш-ажыл болгаш социал политика, Кадык камгалал,Тудуг база Арга-арыг яамыларынга, ГКУ РТ "Шагонарское лесничество", Чөөн-Хемчик база Барыын-Хемчик кожууннарының Чагырга черлеринге, Улуг-Хем кожууннуң А.Т.Балган аттыг төп эмнелгезинге, Шекпээр, Чыргакы, Чыраа-Бажы сумуларының ажылчын коллективтеринге база ажылдап чурттап чораан Элдиг-Хем суму чагыргазынга, школа-интернадынга, садик, эмнелге ,культура болгаш оглувустун сургуул эш оорлеринге,дунмавыстын чангысклассчыларынга,чангыскурсчуларынга,бугу ле коллективтеринге ,кожаларынга база эдержип чораан эштеринге, кудаларывыска Силер бүгүдеге бистиң аарышкылыг, харааданчыг, кажан-даа эгиттинмес, аар-берге чидириивиске холуңар сунуп, дуза кадып келгениңерге четтиргенивисти илередип, курлак чедир мөгейдивис, чонувус. Силерниң деткимчеңер эвес болза бо берге үени эртип алыры берге болду. Чедирген ачы-буяныңар мун мун картап эргиир болзун! ********************************* Ортун кара дуңмавысты, күдээвисти,
Орлан эрес сургуул чораан оглувусту,
Эргин артап үнчүп-киржир кудаларны,
Эргим ынак төрээннерни оскундувус.
Орук-чолдуң озал-ондаа чайлавады,
Оран-черниң четкерлери өршээведи.
Кара дүннүң ханныг-чинниг шагы биске
Карак чажы, кажыыдалды эккеп берди.
Эргим ынак кижилерин ара каггаш,
Эглип келбес орандыва чоруй барды.
Элдиг-Хемге, Биче-Тейге ойнап өскен,
Эргип төнмес төрээн өдээ өскүс калды.
Хайыра чок ажыг-шүжүг чүдүрлүүрге,
Хайыралдыг чонувус-ла дөгүм болду.
Ууттунмас кажыыдалды деңге чүктеп
Уттундурбас качыгдалда кады болду.
Бүдүү ыглап турганывыс эскерген дег
Бүдүн Тыва ажыывысты үлежип тур.
Бөдүүн чоннуң хөңнү база ыглап турар,
Бөргүн уштуп, сөөлгү оруун үдежип тур.
Чогувусту, барывысты үлежип кээр,
Чонувуска черге чедир мөгеер бис!
*****************************
Кандыг хайы таварыпкаш баары ол?
Хайыралыг амыңарны үзүп кагды!
Чечек ышкаш чалыы назын, чараш өйү
Чедир бышпайн, анаа-ла хей эсти берди.
Эң-не эргим дуңмаларның, чаш-ла оолдуң
Эчис-соруу, күзелдери бүтпейн барды.
Күзүн чанган дуруяалар соон дарый
Хүннүг черин каавыткаш, ужуп чорту.
Кээргенчиг кырган ие назылааштың
Кым-на бир-ле эзириктиң хайы-биле
Улузундан, арбын чондан, ажы-төлден
Улуг уйгу оранынче аъттаныпты.
Кончуун, кончуун! Эргим чонум боданыылы!
Хоюп чоруур аң-куш эвес, кижилер бис
Бот-бодувуска камныг болуп чоруулуңар!
Бо-ла чүүлдү утпаалыңар, боданыңар!
Өршээ-өршээ! Өршээ-өршээ!
Өг-бүлениң чоок улузундан
Свежие комментарии
Сейчас смотрят
